Претседателот на Меѓународниот олимписки комитет (ИОК) Томас Бах изрази желба Олимписките игри еден ден да бидат организирани на африканско тло.
– Африка дава голем број на врвни спортисти, а сеуште не била организатор на Игрите. Би биле среќни да видиме кандидатура од овој континент, изјави Бах.
Потенцира дека од моментот на неговиот избор за прв човек на олимпизмот, таа организација размислува за можноста на промени во постапката на кандидатура, што би се отворила можност за повеќе земји и градови кандидати.
– Олимпизмот не е само прашање на врвниот спорт, туку и клуч кој отвора можност и шанси за младите луѓе од целиот свет, да ја градат својата иднина, додаде Бах.