На Европското првенство во кошарка денеска е слободен ден, а по одигрување на синоќешните средби од последното 5.коло во првата групна фаза, формирани се две нови групи со по шест земји учеснички кои обезбедија пласман во следниот круг.
Од групата Б во која играше Македонија во следната фаза се пласираа Србија, Литванија и Летонија.
Србите пренесуваат четири бода, Литванците 3 додека Летонија ќе стартува со 2 бода.
Македонија со една победа и четири порази заврши на последното место и е елиминирана од втората фаза.
Изглед на новите две групи:
Група Е:
Франција 4 бодови
Србија 4
Литванија 3
Украина 3
Летонија 2
Белгија 2.
Утре играат: Летонија – Украина, Белгија – Србија и Литванија – Франција.
Група Ф:
Италија 4 бодови
Шпанија 3
Словенија 3
Финска 3
Хрватска 3
Грција 2.
Во 1.коло од втората групна фаза в четврток играат: Финска – Хрватска, Грција – Шпанија и Словенија – Италија.