Младата американска борачка Макинли Кова привлече големо внимание со победничката фотографија на која се гледа како позира додека ја гуши својата ривалка.
Шампионката на сојузната држава Калифорнија ги подели јавноста и фановите на Интернет, откако позираше пред камерите додека ја гушеше противничката за да ја запечати победата.
Макинли Кова неодамна ја давеше својата ривалка со нозете, а за тоа време се сврте кон камерата и позираше, по што на интернет се појави вирална фотографија. Во таа прилика таа се насмевна на камерата и го држеше лицето со раката.
Видеото и фотографијата привлекоа големо внимание и собраа повеќе од 380.000 лајкови на Инстаграм, а фановите и јавноста беа поделени околу тоа дали ова е генијална фотографија или недостаток на фер-плеј и спортски дух. Во исто време, видеото од овој потег надмина 13 милиони прегледи на TikTok.
Според нејзиниот профил, Кова има рекорд во кариерата од 47 победи и 20 порази. Минатата година стана шампионка на Калифорнија во слободен стил за кадетки.