Во натпревар со многу борба победи репрезентацијата на Исланд. Ако еден состав мечот го заврши со 18 промашени удари и 19 грешки и покрај добрата одбрана не може да се надева на победа. Потфрливме во нападот, а одбраната ни беше добра иако денеска и двајцата голмани имаа одличен ден. На овој натпревар и среќата беше на нивна страна, истакна македонскиот селектор Звонко Шундовски на прес-конференцијата по загубениот дуел со Исланд на Светското првенство во ракомет.
И голманот на Македонија Борко Ристовски кој денеска беше најдобриот наш поединец причината за загубениот дуел ја гледа во лошата игра во нападот.
– Натпреварот го загубивме во нападот каде многу грешевме. Исланд знаеше тоа да го казни. Во вториот дел кога имаа 3-4 разлика знаеја како да ја сочуваат таа пред предност, рече Ристовски.