Франција ја победи Португалија во второто коло од втората групна фаза со 46:38.
На овој натпревар беа срушени неколку рекорди – прво, Французите поставија нов рекорд на EHF Euro со 28 постигнати гола во првото полувреме, соборувајќи го претходниот што го држеше Полска со 26 гола против Белорусија во 2014 година.
За да биде уште поимпресивно, „триколорите“ постигнаа 28 гола од 32 шута (88%).
Португалија одигра подобро второ полувреме, Франција постигна „само“ 18 гола во тој дел од играта, но доволно за да сруши уште еден рекорд.
Со вкупно 84 гола, овој натпревар е најефикасен во историјата на Европското првенство. Досега, рекордот го држеа Словенците и Црногорците со 81 постигнат гол (41:40).
Најзаслужни за тоа за Французите беа Мем со 8, Фабрегас со 6 и Ричарсон со 5 гола, додека од другата страна се истакнаа дури пет играчи со по пет гола.
Франција сега има четири бода, додека Португалија е сè уште на двата што ги пренесе од Групата А.