Актуелниот европски кошаркарски првак, тимот на Олимпијакос за кој настапува македонскиот интернационалец Перо Антиќ, синоќа во 1.коло од ТОП 16 фазата во Евролигата, загуби на гостувањето кај Каха Лаборал со 82:74.
Антиќ одигра 20 минути и постигна 13 поени (2/2; 3/7), оствари 4 скокови и 4 асистенции.
На другите синоќешни натпревари од 1.коло во Ф групата постигнати се следниве резултати: Бешикташ – Химки 75:80 и Монтепаски – Макаби 79:69.
Вечерва во оваа група играат Барселона – Фенербахче Улкер.
Два натпревара се одиграа и во Е групата: Алба – Реал Мадрид 63:77 и Уникаха – Бросе Баскет 85:82.
Вечерва играат ЦСКА Москва – Анадолу Ефес и Панатинаикос – Жалгирис.