На НБА кошаркарот од Кливленд Леброн Џејмс му е поништен трипл-даблот остварен пред два дена на дуелот со Њу Орлеанс.
Леброн според официјалната статистика средбата ја завршил со 32 поена, 12 скокови и 10 асистенции, меѓутоа по дополнителните проверки НБА му избриша по еден скок и асистенција и тој остана на дабл-дабл учинок.
Грешките се направени во финишот од третата четвртина кога на „кралот“ незаслужено му е впишана асистенција што ја остварил Тристан Томпсон и во последниот период кога скокот на Мајкл Милер е вкалкулиран во графата на Џејсон.
Тој остана на 37 трипл-дабл достигнувања во кариерата во основниот дел од првенството или 48 сметајќи ги и разигрувањата (плеј-оф) за титулите.