На Светското првенство во ракомет што се одржува во Шпанија вечерва се играат полуфиналните натпревари. Први во салата „Палау Сант Жорди“ во Барселона ќе се појават домаќинот Шпанија и најпријатното изненадување Словенија.
За Словенија ова е прво полуфинале на Светските првенства додека го играат второ полуфинале откако 2004 година како домаќини на Европското првенство го освоија второто место.
За Шпанија ова ќе биде петто полуфинале, а светски шампион беше 2005 година предводени од Икер Ромеро. Шпанија е единствената репрезентација која има пораз на овој шампионат, а игра во борба за медал. Загубија во групата од Хравтска со 27:25.
Во второто полуфинале на теренот ќе се појават европскиот првак Данска и Хрватска.
Данска најдобар пласман на СП има постигнато 2.место пред две години кога беше зад Франција (пораз во финалето) и 1967 година. За европскиот првак ова ќе биде 10.то полуфинале.
Хрватска светски шампион беше 2003 година и од тој настан е постојано во ракометниот врв. Покрај титулата Хрватска има уште четири настапи во полуфиналето, а трипати беа второпласирани.
Хрватска на Олимписките игри во Лондон ја победи Данска со 32:21, додека Шпанија беше поуспешна од Словенија на Европското првенство во Србија со 35:32.
Според програмата натпреварите ќе се играат: Шпанија – Словенија (почеток 19:15 часот) и Данска – Хрватска (почеток 21:30 часот).