На Европското првенство во ракомет за жени денеска на програмата се полуфиналните натпревари, кои се играат во „Комбанк Арена“ во Белград.
Во првиот полуфинален дуел ќе играат петкратниот европски шампион и актуелен бранител на титулата Норвешка против Унграија, репрезентација која има европска титула од 2000 година. Почетокот на натпреварот е во 14 часот и 30 минути.
Во второто полуфинале играат домаќинот Србија и олимпискиот вицепрвак Црна Гора. И двете репрезентации на европските првенства на овој шампионат го имаат остварено најголемиот успех со пласманот во топ 4 и воедно победникот ќе обезбеди медал. Стартот на овој дуел е во 17 часот.
Како предигра на полуфиналните дуели е натпреварот за 5.место, кој поченува во 12 часот, а играат Данска и Русија.
Финалето и натпреварот за 3.место се играат утре.