Екипата на Вашингтон поведе со 2-1 против Атланта во полуфиналето до плејофот на Источната конференција во кошаркарската НБА лига.
На средбата одиграна ноќеска во Вашингтон, составот на „Визардси’’ до победа од 103:101 стигна со кошот на Пол Пирс на 8-десетинки до крајот. Пирс средбата ја заврши со 13 поени, а беше еден од петмината играчи кај домаќините со двоцифрен број на поени. По 17 поени постигнаа, Хиларио Нене, Бредли Биал ( и 8 асистенции) и Ото Портер (и 9 скокови), додека Марцин Гортат имаше 14 поени (и 8 скокови).
Кај гостите од Атланта, по 18 поени постигнаа Џеф Тиг и Денис Шредер, додека македонскиот интернационалец Перо Антиќ одигра 15-минути, период во кој постигна само 1 поен, без реализација од игра (0/4).
И следниот четврти натпревар ќе се игра во Вашингтон веќе во вторник наутро во 1 часот.
Во вториот меч одигран синоќа, најдобриот тим од регуларниот дел на сезоната Голден Стејт загуби на гостувањето кај Мемфис со 89:98, па сега „Воините’’ имаат негатива од 2-1 во победи, во полуфиналето на Западот. Стефон Кари со 23 поени беше најефикасен во поразената екипа, воедно и на натпреварот, а кај победниците поен помалку (22) постигна Зек Рендолф.
Вечерва од 21 часот и 30 минути ќе се игра третиот меч меѓу Чикаго и Кливленд во кој домашниот тим влегува со предност од 2-1 во победи, во серијата подобар до четири.