Со првите натпревари од првото квалификациско коло во Лигата на шампионите и на Лига Европа денеска стартуваат натпреварувањата во рамките на УЕФА.
На првиот ден од новата сезона ќе настапи и една екипа од Македонија. Тетовска Шкендија во Куманово е домаќин на Портдаун од Северна Ирска. Ова е натпревар од Лига Европа, а почетокот е во 17 часот и 30 минути.
Во истиот термин играат и Викингур – Гомел.
Другите два македонски тима Металург и Ренова своите натпревари ќе ги одиграат в четврток. Металург гостува на Малта кај Биркиркара, додека Ренова во Куманово ќе го дочека Либертас.
Денеска се играат и трите натпревари од Лигата на шампионите, а двојките се: Дуделанж – Тре Пене, Валета – Луситанс и Линфилд – Б36.
Македонскиот првак Вардар во првото коло е слободен и во следната рунда ќе игра со шампионот на Белорусија БАТЕ Борисов.