По повод Денот на независноста, почна традиционалниот турнир во мал фудбал „8 Септември“ на спортското игралиште со вештачка трева во населбата Триангла, Маџари, во општина Гази Баба.
На турнирот, кој го отвори градоначалникот на Град Скопје, Коце Трајановски, во текот на наредните триесетина дена ќе се натпреваруваат над 65 екипи од Скопје и од други општини од Македонија.
Организатор на турнирот „8 Септември“, кој се одржува по осми пат, е здружението „БА ТУ ТА СПОРТ“, а Градот Скопје финансиски го поддржува турнирот со 150 000 денари.