Рускиот сумо-борач со свое место во Гинисовата книга на рекорди, Џамбулат Хатохов почина на 21-годишна возраст.
Веста за неговата смрт ја објави претседателот на Сојузот на сумо-борачи во руската област Кабардино-Балкарија, Бетал Губжев. Во 2003 година, Хатохов влезе во Гинисовата книга на рекорди како најтешкото дете во светот.
Како двегодишно дете, тој имал околу 34 килограми, а на 13 години имал 180 килограми.
Причината за смртта на Хатохов не е официјално соопштена, но локалните медиуми пишуваат дека тој имал хронични проблеми со бубрезите.