Македонските тенисери Димитар Грабул и Лина Ѓорческа остварија победи на денешните сингл мечеви на кои настапија.
Грабул во Еупен, Белгија во меч од 2. коло успеа да му се реваншира на Жулиен Дубе (Белгија) за поразот претходната недела и го совлада со 2:1 во сетови (7:6; 3:6 и 6:1). Со оваа победа Грабул се избори за четвртфинале на турнирот.
По триумфот во двојки вчера Ѓорческа денеска во Арад, Романија во 1.коло ја победи Барбара Котелешова од Словачка со 6:2 и 6:3. Во 2.коло нашата тенисерка ќе игра со Ансатасија Вдовенко од Молдавија.