Македонските претставници во кошаркарската Евролига синоќа во рамките на 5.коло забележаа победи со своите екипи.
Лестер Бо Мекејлеб со Улкер Фенербахче на свој терен го победија Химки со 85:82. Македонскиот репрезентативец за 33 минути игра имаше ефект од 16 поени, 5 асистенции и 4 скокови.
Олимпијакос за кој настапува Перо Антиќ во неизвесна завршница победи на гостувањето во Тел Авив кај Макаби со 78:77. Антиќ одигра 13 минути и постигн една тројка, а имаше и три асистенции.
На другите две вчерашни средби од 5.коло во ТОП 16 фазата од Евролигата постигнати се овие резултати: Каха Лаборал – Барселона 79:90 и Алба Берлин – Бросе Баскетс 82:63.
Вечерва играат: ЦСКА Москва – Уникаха, Анадолу Ефес – Жалгирис, Панатинаикос – Рел Мадрид и Монтепаски – Бешикташ.
Табела Е група: ЦСКА Москва 4-0 (победи-порази), Реал Мадрид 4-0, Анадолу Ефес 3-1, Панатинаикос 3-1, Жалгирис 1-3, Уникаха 1-3, Алба Берлин 1-4, Бросе Баскетс 0-5.
Табела Ф група: Монтепаски 4-0, Каха Лаборал 4-1, Барселона 4-1, Химки 3-2, Олимпијакос 2-3, Макаби 1-4, Фенербахче Улкер 1-4 и Бешикташ 0-4.