Чешката тенисерка Каролина Плишкова го подобри својот пласман за две места и сега е на врвот на најновата ранг листа на ВТА објавена денеска.
Плишкова води со 6.855 поени, пред Симона Халеп (Романија) која има 6.670 и досегашниот лидер Анџелике Кербер (Германија) со 5.975 поени.
Во ТОП 10 светски тенисерки уште се: Јохана Конта (В.Британија), Гарбиње Мугуруза (Шпанија), Елина Свитолина (Украина), Каролине Вознијацки (Данска), Светлана Кузњецова (Русија), Венус Вилијамс (САД) и Анџелика Радвањска (Полска).
Од македонските тенисерки најдобар пласман има Лина Ѓорческа која е на 212.позиција што претставува пад од 31 место во споредба со минатонеделното рангирање.