Поранешниот претседател на УЕФА, Мишел Платини, објасни зошто одлуката за воведување на видео технологија (VAR систем) во фудбалот е погрешна.
„Да бев претседател на ФИФА, VAR немаше да постои. VAR не е дел од фудбалската филозофија“ – смета Платини.
Тој истакнува дека би користел видео технологија само кога е потребно да се утврди дали топката ја поминала гол линијата и во никој друг случај. Сите други одлуки би им ги препуштил на судиите.
„Имаме судии и асистенти… Зошто да ги комплицираме работите? Да го оставиме фудбалот на луѓето“, вели Платини, кој верува дека грешките треба да бидат составен дел од играта и дека само човечкото око треба да одлучува за нив и да донесува одлуки.