Кошаркарскиот клуб Партизан го загуби спорот со тројцата негови поранешни играчи, Џејмс Гист, Доминик Џејмс и Дру Гордон и ќе треба да плати повеќе од 110 илјади долари, беше објавено на веб-страницата на Меѓународната кошаркарска федерација (ФИБА).
Се работи за неисплатени плати и бонуси изминатите години.
Според документот, на Гист кој во Партизан пристигна во октомври 2010 година и потпиша договор вреден 300.000 долари, клубот му должи уште 20.000. Џејмс кој во Партизан потпиша договор тежок 100.000, од „црно-белите“ треба да добие уште 37.500, додека Гордон има за земање уште 33.000 долари.
Партизан ќе треба да и плати и 20.000 долари на агенција која ги има правата на овие кошаркари, како и судските трошоци.