Отказот што ПСЖ му го врачи на тренерот Томас Тухел е лоша вест за Реал Мадрид за неговите планови да го наговори Килијан Мбапе да се пресели во Мадрид, објави денеска „АС“.
Шпанскиот весник наведува дека напаѓачот на ПСЖ разгледувал опции да го напушти францускиот првак поради лошите односи со Тухел, иако Мбапе преку социјалните мрежи емотивно се збогуваше со германскиот стратег.
Актуелниот шпански првак е подготвен да издвои 180 милиони евра за францускиот напаѓач, но доколку ПСЖ добие согласност од Мбапе за нов договор, откупната клаузула ќе биде многу повисока и мадридскиот клуб ќе треба да се откаже од трансфер, наведува „АС“.