Капитенот на македонската кошаркарска репрезентација Перо Антиќ кој настапува за Олимпијакос, денеска против ЦСКА Москва ќе игра во првиот полуфинален дуел од „Фајнл фор“ турнирот во Евролигата. Почетокот на овој натпревар е во 18 часот.
Токму против рускиот гигант Антиќ со неговите соиграчи лани ја освоија шампионската титула во драматичен меч решен во последната секунда.
Три часа подоцна (21 часот) во второто полуфинале ќе се сретнат големите шпански ривали Реал Мадрид и Барселона.
Завршниот турнир се одржува во Лондон.
Победниците од денешните полуфиналиња в недела (21 часот) ќе се борат за шампионскиот трофеј, а поразените (18 часот) ќе играат за третото место.