Екипата на Оклахома се пласира во полуфиналето на Западната конференција на НБА шампионатот.
На средбата одиграна синоќа во Оклахома домашниот тим со совлада Далас со 118:104 и со 4-1 во меѓусебните дуели пласираше во следната рунда од НБА плејофот во која за противник ќе го има тимот на Сан Антонио.
Расел Вестбрук со 36 поени беше предводник во победата, а Кевин Дурант постигна 33. Во тимот на Далас најпрецизен беше Дирк Новицки со 24 поени.
И екипите на Шарлот и Портланд ја искористија предноста на домашниот терен, па стигнаа до израмнување на резултатот на 2-2 во победи во дуелите со Мајами и ЛА Клиуперс.
Кошаркарите на Шарлот ноќеска со 89-85 славеа триумф над Мајами, а Портланд беше подобар од ЛА Клиперс со 98-84.