Кошаркарите на Оклахома по втор пат го поразија актуелниот НБА шампион Голден Стејт и поведоа со 2-1 во финалето на Западната конференција. Конечниот резултат е 133:105.
Домаќините по првиот период имаа шест поени предност (34:28), а веќе на полувреме убедливи плус 25 (72:47), по што победникот беше решен.
Предводници во новата победа за Оклахома беа Кевин Дјурант со 33 поени и осум скокови, и Расел Вестбрук кој постигна 30 поени со 12 скокови и 8 асистенции.
Во поразената екипа се истакна Стеф Кари со 24 поени.
Серијата продолжува ноќта вторник кон среда.
Вечерва се игра четвртиот дуел од финалето на Исток меѓу Торонто и Кливленд. Резултатот е 2-1 за Кливленд во серијата прв до четири победи.