Со одигрување на два фудбалски натпревара помеѓу најдобрите тимови од основните и средните училишта, денеска на Арената Филип Втори ќе се одбележи Европската недела на спортот.
На стадионот истовремено ќе се одржат и ревијални натпревари во неколку атлетски дисциплини со што ќе се промовира атлетската патека на Арената.
Целта на овој настан е да се зголеми свеста на младите, децата и на пошироката јавност за важноста на вклучувањето во рамките на активностите на училишните и универзитетски спортски клубови, како и промоција на резултатите постигнати во рамките на овие клубови.
Настанот ќе го отвори директорот на Агенцијата за млади и спорт Марјан Спасески.