Германецот Дирк Новицки се проби на 9.то место на листата на стрелци во НБА лигата откако ноќеска постигна 23 поени во победата на Далас над Сакраменто.
Новицки сега има 26.953 поени и го мина на листата Хаким Олајџувон. Германецот со ова достигнување стана најдобриот стрелец во НБА, кој е роден надвор од границите на САД.
Следниот на оваа листа (8.место) кој е „загрозен“ од Новицки е Елвин Хејс со 27.313 поени.
Резултати од ноќешните натпревари: Торонто – Орландо 104:100, Мемфис – ЛА Лејкерс 107:102, Милвоки – Оклахома Сити 85:78, Далас – Сакраменто 106:98, Портланд – Шарлот 102:100 и Голден Стејт – Сан Антонио 100:113.
Вечерва се играат девет натпревари: Вашингтон – Детроит, Атланта – Јута, Бостон – Оклахома Сити, Мајами – Индијана, Њујорк – Орландо, Њу Орлеанс – ЛА Лејкерс, Денвер – Портланд, Феникс – Бруклин и Минесота – Хјустон.
Екипите на Торонто (Источна конференција) и Мемфис (Западна конференција) имаат најдобар биланс со по 7 победи и 1 пораз.