Речиси две години поминаа од ски несреќата која ги погоди сите љубители на Формула 1. Михаел Шумахер, на 29-декември доживеа пад на францускиот ски-центар Мерибел, по што беше ставен во во вештачка кома со цел да се санираат повредите на главата.
Германецот, наводно бил буден и свесен, но според зборовите на поранешниот претседател на Ферари, Лука Кордеро ди Монтеземоло, неговата состојба била многу лоша.
– Грдо е да го видите во ваква состојба. Човек не знае што да прави. Тој е исклучителен возач, човек и пријател. Се восхитувам на неговото семејство, Корин и децата како му помагаат на Шумахер. Јас искрено се надевам дека во скоро време ќе слушнам добри вести, изјавил Лука во интервју за РТЛ телевизија.
Претседателот на Меѓународната автомобилистичка организација (ФИА) Жан Тод често го посетувал Шумахер и понатаму верува во негово брзо закрепнување.
– Често го посетувам Михаел. Тој се бори, па и ние мораме да се бориме заедно со неговото семејство – изјавил Тод.
Шумахер е на домашно лекување од септември минатата година, а неговото семејство се одлучило на стопроцентна приватност, па многу е тешко да се дознаат вистинските информации за состојбата на шампионот.
Последната информација ја дала неговата менаџерка Сабина Кем, коај во мај оваа година изјави дека состојбата на Шумахер се подобрува, но со бавно темпо. Речиси две години помина од ски несреќата која ги погоди сите љубители на Формула 1.