Најдобриот српски тенисер Новак Ѓоковиќ вечерва го израмни рекордот на Швајцарецот Роџер Федерер по број на полуфиналиња на Грен слем турнирите.
Ѓоковиќ вечерва во четвртфиналето на Вимблдон го победи Русинот Андреј Рубљов и стигна до своето 46. Грен слем полуфинале, исто толку колку и Федерер, кој се пензионираше минатата година. На третото место е Шпанецот Рафаел Надал, кој го има своето 38. Грен слем полуфинале.
Српскиот тенисер на УС Опен ќе има можност да стигне до 47. полуфинале на Грен слем турнирите и да го освои првото место. УС Опен ќе се одржи од 28 август до 10 септември.