Во пресрет на Меѓународниот ракометен турнир „Струга 2018“, со поддршка од Спортските обложувалници „Моцарт“ реновиран е теренот на игралиштето „Женска плажа“.
Свеченото отворање на турнирот е закажано за 18 часот и 20 минути.
За вечерва се закажани и првите два натпревари од турнирот, кој годинава се враќа во полн сјај како во најдобрите времиња.
Учесници на 46. издание од реномираниот ракометен турнир се: Целје, Тулуз, Бешикташ, Железничар, Констанца, Алингсас, Еурофарм и домаќинот Струга.
Во сабота во рамки на турнирот се игра македонскиот Супер куп меѓу Вардар и Металург.
Дневните билети за натпреварите се продаваат по цена од 50 денари, а сите средства од продажбата на билетите ќе бидат донирани за Центарот за дијализа во Струга.