Електромобилите полека, но сигурно се пробиваат на светскиот пазар, но никаде толку доминантно како во Норвешка.
Оваа скандинавска држава стана „ветена земја“ за производителите на возила на електричен или хибриден погон. За разлика од 2016 година, кога нивниот удел на автомобилскиот пазар во Норвешка беше 40 отсто, лани тој процент порасна на 52 отсто.
Норвешка е прилично „дарежлива“ кон купувачите на еколошки возила, при што речиси сите даночни обврски се укинати, а сето тоа го надополнуваат и поволните паркинзи, бесплатното полнење и поевтините патарини.
Омилени еколошки автомобили на Норвежаните им се „Фолксваген е-Голф“, „Бе-Ем-Ве и-3“, „Тојота Рав-4“ и „Тесла Модел Икс“.