Норвешка и понатаму е олимписки, светски и европски првак, а ракометарките на Црна Гора влегоа во историјата, освојувајќи сребро на Олимписките игри во Лондон.
Црна Гора е втората најмала земја, по Исланд, која има освоено олимписки медал во ракомет. Избраничките на Драган Аџиќ славеа по мечот како да освоиле злато.
Женското финале во ракомет заврши со резултат 26:23 (13:10) за Норвешка. Најефикасни на натпреварот беа Суланд и Булатовиќ со по 10 погодоци, а на голот брилијантна беше Барјактаровиќ која имаше 16 одбрани и еден седмерец.