Репрезентациите на Норвешка и на Црна Гора денеска ќе играат во финалето на 10-тото Европското првенство во ракомет за жени, што се одржува во Србија.
Во првиот полуфинален дуел петкратниот европски шампион и актуелен бранител на титулата, Норвешка, ја совлада Унгарија со 30:19 (полувреме 16:11).
Домаќинот Србија во вториот полуфинален натпревар одигран во „Комбанк Арена“ во Белград, во неизвесна завршница загуби од Црна Гора со 27:26 (полувреме 13:14), промашувајќи го последниот напад за изедначување, по што следуваше голема радост за Црногорките.
Во натпреварот за 5. место, Данска ја совлада Русија со 32:30 (поувреме 15:15).
Финалето Норвешка – Црна Гора е закажано за денеска во 17 часот, а натпреварот за 3. место меѓу Унгарија – Србија се игра во 14:30 часот.