По официјалниот договор со ЖРК Вардар СЦБТ, поранешната македонска репрезнтативка Јулија Николиќ, не го крие задоволството од враќање на македонската сцена. По крајот на актуелнава сезона и настапите за Звезда Звенигород, од следната сезона Николиќ ќе ги брани боите на „црвено-црните“.
Навистина сум среќна што по четири години повторно се враќам дома. Не можев да ја одбијам понудата на Вардар кој прави одличен тим преку кој верувам ќе се подигне нивото на женскиот ракометр.
– Тоа што го очекувам сигурно се добри резултати и одлична атмосфера, како внатре во екипата така и на трибините на секој наш натпревар, изјави Николиќ.
На денешниот натпревар од четвртфиналето во Лигата на шампионите, Николиќ постигна седум гола за рускиот тим кој загуби од Крим Меркатор со 24-29.