Немања Прибак со гол од девет метри по истекот на натпреварот му донесе триумф на Вардар Про над големиот ривал Металург со 27:26.
Металург во 39. минута губеше со 21:14, за во 60. да изедначат на 26:26.
Времето за натпреварот истече, беа досудени девет метри за Вардар про, а Немања Прибак упати одличен удар, ја затресе мрежата и предизвика вистинска еуфорија во „Кале“. Ова дерби уште долго ќе се раскажува.
Најефикасен во редовите на Вардар про беше Добривоје Марковиќ со десет постигнати голови, а Ренато Вугринец кај Металург беше стрелец на седум погодоци.