МЗТ Скопје останува единствениот претставник на Македонија во АБА Лигата, рече генералниот секретар на АБА лигата Роман Лисац во интервју за „Новости“.
Шолнок и МЗТ Скопје имаат тригодишен договор, што значи дека овој период нема место за други тимови од Унгарија и Македонија. Цели 12 години чекавме на тим од Македонија, а Работнички беше на чекор до АБА лигата, но се откажа пет часа пред ждрепката. МЗТ и Шолнок се полн погодок за оваа лига од овие земји. Двата тима не можат да испаднат од лигата затоа што нема други тимови од нивните земји, вели Лисац.