На ракометниот шампионат за жени кој се одржува во Србија, денеска на четвртиот натпреварувачки ден, ќе се одиграат натпреварите од 3.коло во групите Ц и Д.
Двојките се: Ц група (Нови Сад): Унгарија – Шпанија (почеток 18:15 часот) и Хрватска – Германија (20:15 часот).
Табела: Шпанија 4, Унгарија 2, Хрватска 2, Германија 0.
Д група (Вршац): Русија – Исланд (18:05) и Романија – Црна Гора (20:15).
Табела: Црна Гора 4, Романија 3, Русија 1, Исланд 0.
Македонската репрезентација има слободен ден исто како и другите селекции од групите кои се играат во Ниш и во Белград.
Вчера беше комплетирано 2.коло со натпреварите во А и во Б групите:
Б група (Ниш): Македонија – Шведска 15:26 и Данска – Франција 28:27.
Табела: Шведска 4 бодови, Франција 2, Данска 2, Македонија 0.
А група (Белград): Србија – Украина 25:23 и Норвешка – Чешка 21:19.
Табела: Норвешка 4, Чешка 2, Србија 2, Украина 0.
Пласман во следната фаза досега имаа изборено селекциите на: Норвешка, Србија, Чешка (А група), Шведска, Франција (Б група), Шпанија, Унгарија (Ц група), Црна Гора и Романија (Д група).