Шпанскиот тенисер Рафаел Надал нема да игра на Австралија опен.
„Бикот од Мајорка“ по една година пауза се врати на турнирот во Бризбејн, победувајќи ги Доминик Тием и Џејсон Кублер, а загуби од Џордан Томпсон.
Во тој четвртфинален меч се здоби со повреда во пределот на колкот, но за негова среќа не е тој дел поради што ја пропушти целата сезона минатата година.
Сепак, Надал реши да не ризикува и да се врати во Шпанија, каде ќе се лекува и опоравува, за да се врати и да биде подготвен за сезоната на земјена подлога, која му е приоритет.
Hi all, during my last match in Brisbane I had a small problem on a muscle that as you know made me worried. Once I got to Melbourne I have had the chance to make an MRI and I have micro tear on a muscle, not in the same part where I had the injury and that’s good news.
Right… pic.twitter.com/WpApfzjf3C— Rafa Nadal (@RafaelNadal) January 7, 2024
„Здраво на сите, за време на мојот последен натпревар во Бризбејн имав мал проблем со мускулот, кој како што знаете ме загрижи. Кога стигнав во Мелбурн имав можност да направам магнетна резонанца и имам микро исеченица на мускулот, но не на истиот дел каде што имав повреда и тоа е добра вест. Во моментов не сум подготвен да се натпреварувам на највисоко ниво во натпревари во три сета. Летам назад во Шпанија за да се лекувам и да се одморам“, напиша Надал на социјалните мрежи, додавајќи:
„Работев напорно во текот на годината за овој камбек и како што отсекогаш спомнував мојата цел беше да бидам во најдобра форма за три месеци. Во рамките на оваа тажна вест за мене што не можам да играм пред неверојатната публика во Мелбурн, ова не е толку лоша вест и сите остануваме позитивни за еволуцијата на оваа сезона. Навистина сакав да играм овде во Австралија и имав можност да одиграм неколку натпревари кои ме направија среќен и позитивен. Ви благодарам на сите за вашата поддршка и се гледаме наскоро“.