Иако нема играно од Вимблдон, шпанскиот тенисер Рафаел Надал смета дека многу брзо ќе им се приклучи на Ѓоковиќ, Федерер и Мареј.
„Не заборавив како се игра. Веќе две години поминав надвор од теренот, а имам одиграно повеќе од 600 АТП натпревари. Се чувствувам добро, го освоив Ролан Гарос и таа емоција е се уште во мене“, рече Надал.
„Турнирот во УАЕ е тест, мојата цел не е тој дурнир но не се ниту Доха, ниту Австралијан Опен. Мојата цел е повторно да бидам подготвен и да го вратам чувството. Коленото е единствено што ми е важно сега. Нема да придавам многу на значење на тоа што ќе се случи во наредните месец, два.
– Сакам и Индијан Велс и Мајами, а потоа и сезоната на земја, да ги дочекам во добра состојба“, изјави освојувачот на 11 Грен слем титули.
Надал е свесен дека коленото нема да му биде во најдобра состојба во Абу Даби и вели:
„Сепак се чувствувам подобро, докторите велат дека е во ред и тоа се добри вести. Се што се случи го прифатив нормално, како дел од кариерата. Тоа е само уште еден предизвик“.