На терените на Вимблдон попладнево планирано е да се одиграат по 16 мечеви во двете конкуренции (мажи и жени).
Свој настап ќе имаат првата носителка Анжелик Кербер, како и шампионите на овој турнир Новак Ѓоковиќ и Рожер Федерер, а внимание ќе привлечат и мечевите на Каролина Плишкова, Милош Раониќ, Хуан Мартин Дел Потро,…
На синоќа одиграните дуели Рафаел Надал го победи Доналд Јанг со 3-0 во сетови, а со истиот резултат ланскиот шампион Енди Мареј беше поуспешен од Дастин Браун.
Пласман во третото коло обезбедија и Кеи Нишикори, Марин Чилиќ, Жо Вилфред Цонга.
Кај жените по голема борба Британката Џоана Конта ја совлада Дона Векиќ со 2-1 во сетови, а тешко до триумфот дојде и петкратната победничка на Вимблдон Венус Вилијамс.
Во третото коло се пласираа од фаворитките уште: Доминика Цибулкова, Викторија Азаренка и Симона Халеп, додека елиминирани се: Петра Квитова, Елена Веснина и Медисон Кејс.