Челниците на УЛЕБ одлучија следната сезона форматот на Еврокупот да се прошири на 48 тимови, вест што со радување е прифатена кај нас бидејќи вака македонскиот шампион МЗТ Скопје, кој неодамна во седиштето на УЛЕБ во Барселона официјално ја предаде апликацијата за учество следната сезона, има значително посериозни шанси да добие покана за настап во второто по квалитет европско натпреварување.
Според официјалното известување од УЛЕБ, од следната сезона наместо досегашните 32, во Еврокупот ќе се натпреваруваат 48 екипи поделени во осум групи, а по првата групна фаза ќе продолжат 24 екипи.
Во таборот на македонскиот шампион веруваат дека ќе добијат место во ова европско натпреварување, кое претставува нова напредна фаза од амбициозните планови на тимот од Аеродром.