Екипата на МЗТ Скопје со победа ја завршува годината во регионалната АБА Јадранска лига.
На гостувањето во салата Шецара во Широки славеа во возбудлива завршница со 72:71. Со тројка на Тодор Гечевски на 3 секунди пред крајот, така што домаќините немаа време да организираат напад.
Мора да се напомене и тројката на Чековски во претходниот напад со која изедначи на 69:69.
Токму Чековски беше најпрецизен на натпреварот со 21 поен, Гечевски запиша 15 зад своето име, а Дамјан Стојановски 14. Во домашниот тим Планиниќ имаше 11, Шутало 10.
Ова е 9. победа за МЗТ во регионалната лига, а има и 6. порази.