МЗТ Скопје во следната ќе се натпреварува во Еврокупот, откако македонскиот шампион денеска беше информиран дека ќе добие вајлд-карта и ќе биде дел од второто по квалитет европско клупско натпреварување.
Управата на Металците пред два месеци во Барселона ја поднесе кандидатурата за вајлд-карта.
„Управата на КК МЗТ Скопје Аеродром АД Скопје, ја информира јавноста дека е прифатено барањето на македонскиот кошаркарски шампион преку вајлд-карта да настапува во Еврокуп натпреварувањето од сезоната што престои. Еврокуп натпреварувањето од оваа сезона ќе брои 48 екипи, кои ќе бидат поделени во осум групи, а меѓу нив за првпат ќе се најде и македонски преставник во тимот на МЗТ Скопје Аеродром, кој ланската сезона успешно дебитираше и во регионалната АБА лига“ – се вели во соопштението на официјалната веб-страница на МЗТ Скопје.