Бранителот на трофејот во кошаркарскиот Куп на Македонија, МЗТ Скопје Аеродром е првиот полуфиналист на завршниот турнир од ова натпреварување што од вечерва до недела се одржува во „Спортскиот Центар Борис Трајковски“.
Аеродромци во првото четвртфинале рутински со убедливи 47 разлика ја победија Струмица. Во ниту еден дел од натпреварот победата на големиот фаворит не беше доведена во прашање. Конечниот резултат е 98:51. По четвртини 27:15; 19:12; 22:14 и 30:10.
Најеикасен играч во четата на Алеш Пипан беше Tодор Гечевски со 15 постигнати поени, а двоцифрен ефект имаа и Дамјан Стојановски 14, повратникот во тимот Ноа Далман – 11, Горјан Марковски и Никола Оташевиќ по 10.
Кај струмичани најдобри беа Немања Арсиќ со 15 и Александар Јевдиќ со 14 реализации.
Вечерва од 20 часот и 45 минути е вториот четвртфинален дуел во кој се среќаваат Работнички и Фени Индустри.
Другите две средби од четвртфиналната фаза се играат утре.