Кошаркарите на МЗТ Скопје на гостувањето во Гевгелија не дозволија изненадување и во дуелот со Кожув забележаа победа од 89:81.
Со овој триумф МЗТ Скопје поведе во серијата подобар од седум до 2:0 и до одбрана на шампионската титула за која ќе треба да стигнат до 4 победи.
Најефикасен во победничкиот тим со 33 поени беше Кејд Дејвис, Тодор Гечевски забележа 20 поени и седум скока додека Ѓорѓи Чековски впиша 14 поени и девет скока.
На спротивната страна прв стрелец беше Миладин Пековиќ со 17 поени, а Слободан Божовиќ постигна 13.