Кошаркарите на МЗТ Скопје доживеаа пораз од водечката Игокеа од 77:81.
Поразот е вистинска штета не само поради добрата игра на избраниците на Пипан, туку и фактот дека МЗТ ја наполни салата „Борис Трајковски“, но „металците“ и нивните симпатизери немаа причина за радост.
Ова беше единаесетти пораз на МЗТ Скопје во АБА-лигата сезонава, со што „металците“ на четири кола до крајот имаат половичен ефект во дебитантската сезона од ова регионално натпреварување.
И во следното коло избраниците на Алеш Пипан ќе играат пред своите гледачи, овојпат против составот на Задар.
Дамјан Стојановски имаше 11 поени, Гечевски 21, Оташевиќ 13, Бакиќ 14. Кај гостите Адамовиќ 13, Коровиќ 16, Едвардс 20.
ФОТО: Екипа.мк