Барселона е досадна за гледање, а ситуацијата кај нив би била полоша доколку го нема Лионел Меси, е изјавата на претседателот на италијанскиот Интер, Максимо Морати.
„Фудбалот останува една од мистериите на животот и никогаш не знаете кога натпреварот ќе заврши. Затоа гледањето на натпреварите на Барселона е прилично досадно. А, би било уште подосадно да го нема Меси. Повеќе сакам да гледам поинаков од нив стил на игра, контранапади, три допири на топката и шутеви“, изјави Морати.
„Нераѕурите“, како што популарно го нарекуваат Интер заостанува четири бода зад водечкиот Јувентус. Овие два тима утре од 20:45 часот го играат големиот дерби дуел на Јувентус Арената.