Согласно Олимписката програма РИО 2016, Македонскиот олимписки комитет (МОК), во блиска соработка, консултација, координација и комуникација со Националните спортски федерации (НСФ), но и со соодветните Меѓународни спортски федерации и Меѓународниот олимписки комитет (ИОК), обезбеди 11 стипендии за нашите најдобри спортисти кои како предлог на НСФ беа испратени до МОК.
Корисници на олимписката стипендија, во наредните две години ќе бидат:
1. Јасин Реџелари борење 800 американски долари
2. Дејан Митров борење 800 американски долари
3. Бобан Данов борење 800 американски долари
4. Марко Блажевски пливање 800 американски долари
5. Анастасија Богдановска пливање 800 американски долари
6. Катерина Николоска џудо 666,666 американски долари
7. Нина Балабан стрелаштво 666,666 американски долари
8. Ана Николовска стрелаштво 666,666 американски долари
9. Ристе Пандев атлетика 666,666 американски долари
10. Валбона Селими атлетика 666,666 американски долари
11. Јован Јовановски велосипедизам 666,666 американски долари
Во тоа насока, денес во просториите на МОК, свечено беа потпишани договори за финансирање на олимписките програми на нашите спортисти-корисници на олимписката стипендија РИО 2016. Олимписките стипендии се обезбедени со исклучителна намена и силно контролирани од страна на МОК и ИОК, за да им помогнат на нашите спортисти во насока на обезбедување на квалитетни подготовки и учество на меѓународните натпревари кои ќе бидат квалификациони и одредени за обезбедување на норма за учество на ЛОИ РИО 2016.
Овој список не е конечен, бидејќи доколку одредени спортисти/спортистки не го покажат најдоброто од себе односно не покажат подобрување на своите резултати, во тој случај тие ќе бидат одстранети од списокот на стипендисти на МОК.
Веруваме дека овие стипендии, кои се наменети само за поединечните спортови и кои треба да бидат додаток во заокружување на финансискиот и спортскиот план на потенцијалните олимпијци, ќе бидат квалитетно дополнение на финансиските средства кои веќе ги имат обезбедено Националните спортски федерации, помогнати од јавните институции и приватните лица кои го помагаат во значителна мера врвниот спорт во Република Македонија и дека нашите спортисти ќе обезбедат норми за учество на ЛОИ РИО 2016.