Новата ѕвезда на Реал Мадрид, Лука Модриќ, изјави дека е подготвен да одигра 90 минути на натпреварот во петок против нашата селекција и додаде дека Македонија мора да падне.
„Подготвен сум да одиграм 90 минути. Добро сум подготвен психички и физички. Сеедно ми е на која позиција ќе играм, мора да ги победиме Македонците“, изјави Модриќ.
Тој рече дека се надева на голема поддршка од навивачите.
„Секогаш било тешко да се игра со Македонија, но уверен сум во победа. Посакувам да ги земеме сите шест бодови од првите два натпревари“, додаде новиот играч на Реал.