Младата кошаркарска репрезентација на Македонија ја совлада Австрија во натпревар од Б дивизијата на Европскиот шампионат за играчи до до 18-години, кое се одржува во Софија.
По вчерашниот дебакл и поразот од Исланд со 31 поен разлика, денеска младата кошаркарска репрезентација на Македонија до 18-години, колку-толку го поправи впечатокот за својот настап на Европското првенство.
Избраниците на селекторот Мирза Куртовиќ, во натпревар од новоформираната група „Х„ за пласман од 9 до 16 место, ја совладаа селекцијата на Австрија со 60:53 по четвртини 9:15, 16:11, 12:11 и 2315.
На овој дуел дури петмина македонски репрезентативци постигнаа двоцифрен број на поени: Цветковски (13), Србиновски, Петровски и Маслинко (12), Бакоч (11 поени + 13 скокови).
Ова беше само втора победа за македонските кошаркарски „надежи„ во шесте одиграни средби на првенството.
Црвено-жолтите се во исчекување на вториот натпревар од оваа група меѓу Норвешка – Исланд, како и дуелот од групата „Ј„ меѓу домаќинот Бугарија и Холандија, по кои ќе се знае за кое место и против која селекција ќе разигрува репрезентацијата на Македонија.