Во пресрет на подготовките за настапот на Евробаскет 2015, раководството на Македонската кошаркарска федерација му додели отказ на селекторот Александар Џикиќ.
– Македонската кошаркарска федерација со консенсуална одлука на Комисијата за итност и апровација на телефонски консултираните членови на Управниот одбор го разреши од должност селекторот на сениорската репрезентација Александар Џикиќ, поради нарушена соработка и недоверба во Органите на Федерацијата, заблагодарувајќи му се за досегашната работа со репрезентацијата, се вели во соопштението на МКФ.
Џикиќ на клупата на „црвено-жолтите“ дојде минатата година и успеа да обезбеди пласман на ЕП иако во квалификациите играше со подмладен состав.
Се очекува МКФ што поскоро да назначи нов селектор со оглед на кусото време од околу месец и пол до почетокот на еврошампионатот.