Мото Клубот „REAPERS MК“ од Богданци официјално премина во „REAPERS МС Macedonia“, со одобрение од останатите МС клубови во Македонија, почитувајќи ги традиционалните МС правила.
„REAPERS MC“ носат свои препознатливи бои кои гордо ги носат и ги бранат. Сојузот претставува унија, братска врска, соработка и почит меѓу клубовите.
Идеологијата на клубот се темели на правилното негување на мото културата, националните богатства и вредности и братството помеѓу припадниците на клубот пронајдени во заедничкиот стил и начин на живот.
Клубот се придржува кон традиционалните МС правила и си има своја клубска политика, кодекс на однесување внатре и надвор од клубот и свои правила кои се основни начела за сите припадници на клубот.
Меѓу членовите на „REAPERS МС“ се истакнуваат особините како лојанлност, почит, чесност и интегритет. Клубот соработува со повеќе клубови во и надвор од Македонија и исто така е отворен за соработка со истомисленици кај кои се среќаваат истите особини.
Клубот присуствува на манифестации, организации, мото собири и акции организирани од други мото клубови а воедно и организира настани од таков карактер.