Иако при полетувањето од Белград австрискиот авиопревозник ветуваше дека авионот во Виена ќе ги чека патниците, меѓу кои и ракометарите на Металург, тоа не се случи.
Металург, не по своја вина, остана заглавен на виенскиот аеродром. Вечерниот лет за Минск беше исполнет, а денешниот не одговараше, бидејќи со него Металург би стигнал во Брест на неколку часа пред натпреварот.
Во таква ситуација Металург преговораше луѓето со раководството на СЕХА-лигата. Кај раководството на Брест Мешков и кај комесарот на СЕХА-лигата, Марјан Начевски имаше целосно разбираае, па натпреварот е одложен, а новиот термин ќе го одреди клубот од Белорусија, најверојатно некаде во февруари.
За жал, исполнети се и авионите кон Скопје. Поради бројноста на екипата немаше места синоќешниот лет, ниту пак за оној што лета денеска попладне.
Затоа, ракометарите на Металург се присилени да ноќеваат во Виена, а кон Скопје ќе летнат вечерва, со летот во 22 часот.